2013 yilda “Shuhrat” medali bilan mukofotlangan. 

Mehnat staji 36 yil. Mazkur ta’lim muassasasida 1991 yildan buyon ishlab kelmoqda.

J.Kuvandikova o‘zining pedagogik mahorati bilan yosh iqtidor egalarining iste’dodini yuzaga chiqarish, ularni san’at sirlaridan boxabar etishda fidoyilik ko‘rsatib kelmoqda.

Bugungi kunda 1-sonli Bolalar musiqa va san’at maktabida 450 nafar o‘quvchilarga 80 nafar pedagoglar san’at sirlarini o‘rgatib kelmoqda.

 Muassasada 13 ta musiqa va sa’ant yo‘nalishi bo‘yicha o‘quvchilarga bilim beriladi.

Musiqa va san’at maktabi o‘quvchilari so‘nggi yillarda ko‘plab tanlovlar g‘olibi  bo‘lishdi. Jumladan, 2018 yilda “Islom mamlakatlari o‘rtasidagi klassik musiqa yosh ijrochilari” 7-xalqaro tanlovida Narxanov Muhammadali 3-o‘rinni, Mustafaeva Munisa 1-o‘rinni egallashdi.

 Bolalar musiqa va san’at maktablari ansambllari tanlovining respublika bosqichida “Shodlik” raqs ansambli 1-o‘rinni qo‘lga kiritdi. “Yoshlar kelajak bunyodkori” shiori ostidagi yoshlar festivalida Nargiza G‘ulomjonova 2-o‘rini egalladi.

2019 yilda Bolalar musiqa va san’at maktablari ansambllari o‘rtasida respublika tanlovida maktabning xor jamoasi hamda “Skerso” ansambli 1-o‘rinni, “Navro‘z sadolari” ko‘p ovozli xalq cholg‘u ansambli va orkestrlari Xalqaro festival tanlovida “Sarafroz” orkestri 1-o‘rinni egalashdi.

2020 yilda ham maktab jamoasining yutuqlari salmoqli bo‘ldi. Jumladan, “Yosh raqs ijrochilari” ko‘rik-tanlovining viloyat bosqichida maktab o‘quvchisi G‘anieva Madina zamonaviy raqs hamda milliy raqs yo‘nalishlari bo‘yicha 1- va 3-o‘rinlarni qo‘lga kiritdi. Bunday yutuqlarning qo‘lga kiritilishida J.Kuvandikova kabi mahoratli ustozning hissasi katta.

J.Kuvandikova har bir darsini ilg‘or pedagogik texnologiyalar asosida tashkil etib, iqtidorli o‘quvchilar bilan qo‘shimcha mashg‘ulotlar olib boradi. Natijada bir qancha o‘quvchilari fortepiano bo‘yicha ko‘rik-tanlov va festivallarda ishtirok etib, faxrli o‘rinlarni egallashgan.

Jumladan, 2016 yildagi maktab ansambllari ko‘rik-tanlovida Bobamurodova Madina va Abduvaitov Ulug‘bek 1-o‘rinni, Ravshanov Behruz va Mamadieva Sevinch 2-o‘rinni, “Akademik va estrada ijrochiligi” Respublika ko‘rik tanlovining viloyat bosqichida 7-sinf o‘quvchisi Alieva Diana 2-o‘rinni egallashdi.

Shuningdek, J.Kuvandikova “Kamalak yulduzlari” Respublika ijodiyoti festivalida o‘quvchilari bilan faol qatnashib keladi. 2016 yilda “Kamalak yulduzlari” respublika bolalar ijodiyoti festivalining shahar bosqichida J.Kuvandikovaning o‘quvchisi Mamadieva Sevinch diplom bilan, viloyat bosqichida sertifikat bilan mukofotlandi. 

2012 yilning iyun oyida mahoratli ustoz o‘quvchisi Xatamov Madamin va Bobomurodova Madina bilan Rossiyaning Suzdal shahrida “Novыe imena” mintaqaviy xayriya jamoat fondi ko‘magida P.I.Chaykovskiy nomli Moskva Davlat Konservatoriyasi o‘qituvchisi Chefanov D.V. ishtirokida o‘tkazilgan mahorat darslarida ishtirok etishdi.

2019 yildagi maktab pianistlari ko‘rik-tanlovida Xatamov Madamin 1-o‘rinni, Nusratullaeva Nigina 1-o‘rinni, Tursunova Madina 3-o‘rinni, Odiljonova Matluba 2-o‘rinni, Xamraeva Farangiz 2-o‘rinni, Tairova Sevara 3-o‘rinni, Dyo Oksana 3-o‘rinni, Alieva Diana 2-o‘rinni egallagan.

2019 yildagi maktab ansambllari ko‘rik-tanlovida 3-sinf o‘quvchilari Paket Vika va Alieva Dianalar  3-o‘rinni egallagan.

2019 yilning iyun oyida maktab o‘quvchilari Xatamov Madamin va Bobomurodova Madina bilan Rossiyaning Suzdal shahrida “Novыe imena” mintaqaviy xayriya jamoat fondi ko‘magida P.I.Chaykovskiy nomli Moskva Davlat Konservatoriyasi o‘qituvchisi Chefanov D.V. ishtirokida o‘tkazilgan mahorat darslarida ishtirok etishdi.

2020 yilda Akademik cholg‘ular va estrada ijrochiligi Respublika ko‘rik- tanlovida 7-sinf o‘quvchisi Xatamov Madamin 2-o‘rinni egallagan.

2020 yilda “Kamalak yulduzlari” respublika bolalar ijodiyoti festivalining viloyat bosqichida 6-sinf o‘quvchisi Mamadieva Sevinch sertifikat bilan mukofotlandi. 

2021 yilda 7-sinf o‘quvchisi Xusainova Charos “Raduga talantov” xalqaro onlayn ko‘rik-tanlovida 2-o‘rinni, Abduraxmonova Munisabonu 2-o‘rinlarni qo‘lga kiritganlar.

Kuvandikova Djamila Yaxshibaevna xozirgi kunda maktabda fortepiano bo‘limining boshlig‘i bo‘lib, yosh pedagog kadrlarga o‘z malaka sirlarini o‘rgatib kelmoqda. U davlatimiz rahbari tomonidan ilgari surilgan 5 muhim tashabbus ijrosini ta’minlash, yoshlarni san’at va musiqaga oshno etish borasida tinimsiz izlanib, o‘z tashabbuslarini amaliyotga joriy etib kelmoqda.

Shuningdek, o‘z faoliyati davomida o‘quvchilarni biror bir yaxshi natijaga erishish uchun tinimsiz o‘z ustida mehnat qilish va izlanishga undab kelmoqda.

J.Kuvandikova nafaqat o‘z faoliyatida, balki jamoasi va o‘zi istiqomat qiladigan mahalladagi turli tadbirlar va jamoat ishlarida ham faollik ko‘rsatib kelmoqda.

Tashabbuskor, faol va vatanparvar inson sifatida jamoadoshlari va viloyat aholisi orasida yuksak hurmat qozongan.